港鐵車廂可以隨便開窗？本港網絡瘋傳1段影片，指往尖沙咀方向、行駛中的港鐵車廂內，有多名內地乘客懶理其他人責罵，打開車廂座位上方的「緊急通風窗」。然而由於列車快將到站，內地乘客想關上但遇到困難，車窗在列車行駛中多次「又開又關」擺動，畫面驚險，最終要用絕招解決，令拍攝影片的目擊者直言「真心O X晒嘴」。
影片引來網民熱議，直斥離譜，「黐X線」、「不是緊急情況才開嗎？佢咁亂嚟，係咪危險，點解唔即時制止佢？」、「請即撳緊急掣通知車長」。也有網民揶揄，「地鐵咁多人咁焗，梗係開窗通下風」、「感謝畀我哋全新體驗」。
乘搭港鐵切勿「多手」。有乘客於8月11日（星期一）在社交平台Threads發布影片，指有內地乘客打開港鐵車廂座位上方的「緊急通風窗」，留言「其實就好X佩服啲內地人嘅『腦洞大開』，究竟係要幾XX先會無端端去搞嗰個位」。
港鐵2內地女合力關「緊急通風窗」
影片長14秒，見到當時列車正駛往尖沙咀站，有2名操普通話女子正嘗試關上「緊急通風窗」。她們用手按緊「緊急通風窗」，但見車窗疑受列車行駛中的風壓影響，不斷「又開又關」搖擺。
