近年本地結業潮不斷，從開業多年的老字號到街坊小店也相繼告別市場。
有代理於網上群組發文，一間旺角潮州菜館正準備頂手轉讓，地舖連閣樓各1,600呎，月租達6位數字。
雖然代理為餐廳名字打格，不過有眼利網民認出為旺角砵蘭街的鴻發餐廳小廚，並驚嘆生意旺場的鴻發竟要結業，「講笑咋？」旺角鴻發打冷疑似結業？
地舖連閣樓各1600呎月租達6位數近年本港飲食業出現結業潮，當中包括連鎖酒樓、老字號等，令不少食客慨嘆可惜。
近日有代理於網上群組為一間旺角潮州菜館發頂手轉讓帖文，提到該店有1,600呎地舖連1,600呎入則閣樓，同時可轉讓牌照工具，月租為$15萬。雖然代理為餐廳名字打格，不過眼利網民認出為旺角砵蘭街的鴻發餐廳小廚。
鴻發以潮州滷水打冷為招牌菜，包括滷水拼盤、豬手拼雞腳、炸蠔餅等，其小炒菜式亦被食客大讚有鑊氣。開業多年依然相當旺場，甚至連店外也會坐滿客人，為食客於該區深夜宵夜之選。
網民驚訝：講笑咋？對於鴻發頂手轉讓，有網民大為驚訝「鴻發都要執笠，講笑咋？」網民甚至誇張表示：「鴻發係唔會執笠」。有網民認為以鴻發日常旺場的生意，難以相信要頂手，「咁旺都要頂？15萬租唔算貴了」；有網民憶起自該店旁為南華戲院舊址時期（現為砵蘭180+商場）已時常幫襯，「以前响砵蘭街南華戲院隔離都成日幫襯」。
